గోల్డెన్ బ్లడ్... పేరుకు తగ్గట్టుగానే ప్రత్యేకమైంది. ఈ గోల్డెన్ బ్లడ్ గ్రూపు అసలు పేరు ఆర్హెచ్ నల్
(Rh null). ఈ రక్తం ఎందుకంత ప్రత్యేకం? దీన్ని బంగారంతో ఎందుకు
పోల్చుతారు? ఈ రక్తం కలిగి ఉండటం ఎందుకు ప్రమాదకరం? ఈ విషయాలు అర్థం చేసుకోవాలంటే, ముందుగా మన బ్లడ్
గ్రూపులు ఏ, బీ, ఏబీ, ఓ లను ఎలా వర్గీకరించారో తెలుసుకోవాలి.
సాధారణంగా మన రక్తంలోని రక్త కణాలకు యాంటీజెన్ అనే ప్రోటీన్ పూత
ఉంటుంది. 'ఏ' గ్రూపు రక్తంలో యాంటీజెన్ ఏ ఉంటుంది. 'బీ' గ్రూపు రక్తంలో యాంటీజెన్ బీ, ఏబీ గ్రూపు రక్తంలో ఏ, బీ రెండు యాంటీజెన్లు ఉంటాయి.
ఓ గ్రూపులో ఏ, బీ యాంటీజెన్లు రెండూ ఉండవు. అలాగే ఎర్ర రక్త
కణాలు 61 Rh రకానికి చెందిన RhD అనే
మరో యాంటీజెన్ను కూడా కలిగి ఉంటాయి. రక్తంలో RhD ఉంటే +
(పాజిటివ్), లేకుంటే - (నెగెటివ్) అంటారు. గోల్డెన్ బ్లడ్ గా
పిలుస్తోన్న Rh null అనే అరుదైన గ్రూపు రక్తంలోని ఎర్ర రక్త
కణాల్లో Rh యాంటీజెన్ ఉండదు. వైద్య పరిశోధనల వివరాలను
అందించే వెబ్సైట్ మొజాయిక్లో ప్రకారం, ఈ బ్లడ్ గ్రూపును
తొలిసారిగా 1961లో ఆస్ట్రేలియాకు చెందిన మహిళలో గుర్తించారు.
అప్పటి నుంచి ఇప్పటి వరకు ప్రపంచంలో 43 మందిలో మాత్రమే ఈ రక్తం
ఉందని వెల్లడైంది.
గోల్డెన్ బ్లడ్ రావడం అనేది వంశపారంపర్యంగానే జరుగుతుందని, దీనికి వారి
తల్లిదండ్రులిద్దరూ కారణమవుతారని కొలంబియా జాతీయ విశ్వ విద్యాలయంలో పనిచేస్తున్న
పరిశోధకులు వివరించారు. బంగారంలాంటి ఈ రక్తం ప్రపంచంలో అత్యంత విలువైనది. అలాగే ఈ
రక్తాన్ని కలిగి ఉండటం అనేది ప్రమాదం కూడా. ఎందుకంటే ఈ రక్తం కలిగిన వారికి రక్తం
అవసరమైనప్పుడు దాతలు దొరకడం అత్యంత కష్టమైన పని. ఏ దేశంలో ఎక్కడ ఈ రక్తం కలిగిన
వారు ఉన్నారో వెతికిపట్టుకోవడం కష్టం. ఒకవేళ దాత దొరికినా అరుదైన తమ రక్తాన్ని
దానం చేసేందుకు వాళ్లు ముందుకు రాకపోవచ్చు.
No comments:
Post a Comment